البلد : - السودان
المدينه : - الخرطوم
الوقت : - الغروب
الموقع : - على ضفاف النيل
الحاله : - رومانسيات ( على الطريقة السودانية طبعا )
العاشق : - عثمان
العشيقة : - نفيسة
=======================
على ضفاف النيل وقت الغروب هبهب النسيم يحمل معاهو روايح الكسرة العجيبة
وأظن كمان مطبوخ معاها ويكة يابخت أصحابها... وفي عاشقين أتواعدوا هنا
جنب النهر... فوق ذيك الكراتين اللي جنب علب الزيت المرميه بيغاد... الجو جميل
جدا الليلة دي والنيل أجمل.. يابخت العشاق المتواعدين هسع... من الحظ الحلو
انه اليوم حتى البعوض ماكثير آآآآآآي .. يعني باي باي ياملاريا وياكوليرا ...
أص أص ياجماعة هادو هم العاشقين هسع وصلوا ... تعالوا نسمع يقولوا شنو؟
عثمان: أقعدي يانفيسه ريحي الجعبة من تعب المشي
نفيسة: آآآآآي والله مشيت مشي أصلو ماحصل مشيتوا من قبيل
عثمان: بقول ليكي شنو!! إوعي تغطسي كراعينك في النيل ترى بيحصل ليكي
زي مدنيه .. نزلت كرعينها اللي عاملة زي عيدان الحطب راح مقطمهم ليها
تمساح كبير وهسع ماعندها ولا كراع واحد
نفيسه: آآآآآآي يازول وبعدين حصل شنو ؟
عثمان: أبدا ماحصل شي بس ثاني يوم لقيو التمساح ميت على الشاطي متسمم .
نفيسة: خلاص يازول مالنا ومال ناس مدنيه ... خلينا في جونا الجميل دا
عثمان: آآآآآي الوقت بيمرق مننا واحنا ماتكلمنا في الحب... أجل متواعدين ليه؟
نفيسه: صح كلامك يازول.. طيب أنا دايره أقرب منك شوي دايره أحس بالحنان
لانه ماعارفه نقدر نتقابل ثاني والا لأ ؟ الصديق أخوي عامل لي مشاكل..
هسع يامريسة قلبي دايره أقرب زياده بس ممكن ترمي السفه من فمك ؟
عثمان: جدا ياحليوه برمي أبوها.. والصديق أخوك دا أنا يوم راح أرشه بنيه
أخليه يقوم يقع يقوم يقع يقوم يقع أصله مابيقوم ثاني.... تعالي أقربي زياده
من حبيبك... هاه هاه حاسبي يانفيسه في بعوضه كبيره دخلت مناخيرك هسع..
نفيسه: لا لا ماتشيل هم دي ساكنه في منخاري اليمين ليها زمن وماتعمل شي..
أقوليك ياحبيبي : احنا هسع بالاحضان والجو هادي ولطيف جدا .. بس دايره
أسمع منك كلمة حلوه ... أحلى كلمه تعرفها قولها لي وانا كده بحضينك ..
عثمان: أحلى كلمة ؟ أحلى كلمة ؟ آآآآآآآي بقول ليكي أحلى كلمة أعرفها
( مربى ) وعشان بحبك بقول ليكي ( مربى فراوله ) شفتي بحبك كيف ؟
نفيسة: آآآآآآآي دي كلمة جدا حلوه ... وكمان دايره منك مانفوت الفرصه الليله
دي زي المره اللي فاتت .. لازم نستغل الفرصة مادام الجو سمح والشاطي فاضي
مافي ولا زول ممكن يعكر علينا...
عثمان: لا مابنفوتها والله لو أبوك وأمك زاتهم جونا .. لكن خلي بالك الشاطي
مليان عالم لكن كلهم نايمين وماأظن يقوموا لو فجرنا حداهم صاروخ توماهوك..
ومالك هسع يانفيسه عيونك طاحت على تحت ؟ الحاصل شنو ؟
نفيسه: يعني مانك عارف أنا دايره شنو هسع ؟
عثمان: لا والله ماعارف وحياة أمي سكينه ...
نفيسه: طيب انا بقول ليك هسع.. لكن ماعارفه كيف !! يعني مكسوفه وخجلانه
انت راجل وزول كبير ماتتكلم انت .. انا بنيه بخجل ابدا .. لا لا إبدأ انت قولها..
عثمان: والله والله والله مافاهم أي شي .. يكون دايره سفه تسفيها وخجلانه ؟
نفيسه: سفة شنو يازول ؟ انا بتاعت سفات ؟ إنت عارف اني بحب النشوق اللي
بيبيعوا جارنا الحاج بابكر... وهسع ياعثمان مانك داير تطلبها مني وتريحني ؟
الوقت بيمشي سريع يازول .... أسمع .. العشاق كان لقيوا بعض من مده طويله
ماتقابلوا وفرصهم نادره جدا .. وجلسوا في مكان خالي .. إيش ممكن يعملووو ؟
عثمان: والله مافاهم شي ولا عارف شي .. العشاق ممكن هي تفلي ليه شعره
وهو يظفر ليها شوشتها .. يعني في حاجات كثيره ماحافظها كلها .. لكن إنت
عليك الله لازم تقولي لي ... وحياة رسول مكه ماعارف أي شي ..
نفيسه: عثمان انا ماقادره اتحمل زياده عليك الله تتكلم يازول.... والا أقوليك
هسع الجو جميل واللي حوالينا منطقه فاضيه وانا في أحضانك وإنت زول راجل
فحل ذكر ... وانا معاك في الجو الجميل دا وانا مرا .. بنيه .. انثى ياعثمان تعرف
يعني شنو انثى ؟ وهسع بعد ماحصلنا على دا كله ناقصنا شنو ياعثمان ؟
عثمان: انت أنثى ؟ دي عرفناها .. وانا راجل ؟ دي كمان واضحه .. وجالسين
لوحدينا ؟ آآآآآي وبنحب بعضنا والنيل قدامنا والطيور تغرد والجو جميل والنسيم
يهفهف علينا ؟ مافي حاجه غريبه ؟ وانت قلتي ناقصنا شنو ؟ ناقص شنو ؟
ناقصنا شنو ياعثمان في الجو الجميل دا انا ونفيسه ؟ أيواااااااااااااااااااااااه
والله صادقه هسع مانقصنا الا صحن فول .... غايبه عني كيف الفكره دي ؟
مالك قمت يانفيسه ؟ ماشيه وين ؟ أقيفي .. أقيفي عليك الله .. أقيفي...
==================================
ثم لم يستطع الحب ان يستمر على ضفاف النيل وماكان منه الا ان ألقى بنفسه
في مياه النيل .... وقد وجد بعض الماره جثته بعد يومين من عملية الانتحار...
فقالوا : آآآآآآآآآآآآآآآآآآآآآآآآآي
------------------------------------
العزاء مفتوح للجميع -- رحم الله الحب في الخرطوم --
باااي ( المرقشي
منقول
الجمعة فبراير 22, 2008 8:00 pm